ماذا تفعل إذا اخبرتك أختك أنها تحب شاب ؟؟؟

والله فعلا موضوع جميل جدا وفعلا جيتي علي الوتر الحساس
ياجماعة في حاجة الحب مش عيب ولا حرام والمشاعر المتبادلة بين اتنين مش حاجه نخجل نقولها
المشكلة بقي في اللي بيحصل بعد كده يعني زي كلام التليفونات والمقابلات بره كل ده حرااااااااااااااام طبعا وعيب جدا
وليا رأي شخصي الولد اللي بيعمل كده مع بنت مش هيتجوزها لانها بصراحة رخصت في نظرة مش باسم الحب نعمل الحاجات الغلط ونقول بنحب لا طبعا الغلط غلط والولد هيحترم البنت اكتر لو عرف ان ليها حدود وكده
فعلي هذا الاساس لو واحده حبت بالشكل ده بدون غلط وعرفت ان الانسان ده بيحبها فلو انا في مكان اخوها بصراحه هاتعرف علي الشخص ده وابدأ ادرس شخصيته وفي نفس الوقت احاول احتوي اختي طول الوقت عشان ماتقعش في الغلط لاني ببساطة لو زعقتلها وضربتها وعملت الليلة دي كلها هتعمل الغلط ومن ورايا وهتحس اني انا غلط علطول لأني مفهمتهاش ولا قدرت مشاعرها واستهترت بيها
حتي لو بتعمل غلط لازم بردو احتويها وافهمها الصح من الغلط بالعقل والتفاهم واحسسها دايما اني جنبها واخليها تحط الشخص ده في اختبار منه هتعرف شخصيتة وتعرف اذا كان بيستهتر بيها والا فعلا بيحبها
نصيحة بقي لكل الولاد ياريت تصاحب اختك وتكون انت اكتر حد بتحكيله عودها علي كده من دلوقتي مجرد ماهتحس بأي احساس تجاه اي حد قبل مايتطور الاحساس ده هتيجي تقولك وفي الحالة دي انت الكسبان كسبت ثقة اختك لان في الحالات دي البنت تفضل ماتحكيش الا يمكن لصاحبتها المقربه وللحد اللي هيفهمها فدايما كون انت الحد ده عشان احتك ماتقعش في يوم في الغلط