[size=18][الحقوا الفرصه جت السندريلا علي كرسي الاعتراف[/size]

معلش بقي يا سيندريلا انا عارفا ان سؤالي جاي متاخر بس
لا ياقمر احنا تحت امرك في اي وقت

انا حبيت استني اشوف نوعية الاسئله وطبعا انا موش هتقل عليكي وهم كام سؤال كده
1- شخصيه قابلتيها واثرت في حياتك او غيرت درجه في شخصيتك ...هي مين (نرجوا عدم التواني عن ذكر الاسماء)..؟
بصي انا تقريبا كل الشخصيات اللي بقابلها بحاول اتعلم منها وممكن كتير تغير في شخصيتي
بصي انا هقولك حاجه يمكن تكون جديده عليكم كلكم وممكن كمان ماتقدروش تتخيلوها ان الشخصية اللي قدامكم دي لو قولت مش انا ابقي صادقه مش لاني بوشين بس دي ماكانتش شخصيتي انا كنت من النوع الخجوووووول لدرجه ممله وانطوائية وبيتوتيه لدرجه غريبه ثقتي بنفسي تقريبا ماكنتش موجوده مع اني بابا دايما بيعودني اني اكون جريئه بس انا كنت جريئة مع اللي اعرفهم كويس
يابنتي انا كنت بتكسف امشي في الشارع تخيلي ههههههه
اول حد حسسني اني اقوي من كده اوييييييييييي وان انا لازم اثق في نفسي اكتر من كده وهو اللي خلاني بجد اسماء المعتزة بشخصيتها اللي ليها رأي في كل حاجه هو مدرس اللغة العربيه بتاعي في الاعدادي بصي كان انسان رائع بكل ماتحملة الكلمة من معني غيرني من غير مايحس لانه كان بيحبني اوي وكنت كل مابعمل حاجه كويسه يروح قايلي انا نفسي بنتي تكون اسماء رقم اتنين وانا مش عايز اكتر من كده بجد الكلمة خلتني اقف مع نفسي اوي
وكمان الشخصية التانية شخصية خياليه بجد غيرتني اوي بدون بقي ماتعرفوا مين هي عشان مافيش داعي ههههههههههههههههههههههههههههههههههههه

2- بما انك بقي شاعره وعبقريه كمان قوليلنا بقي يا سيتي احنا عارفين ان اي شاعر بيستمد كلماته من لحظه مؤثره في حياته واللحظات دي هي بردو اللي بتتحكم في نوع الشعر سواء رومانسي او وطني وهكذا........
اتفضلي بقي انتي قوليلنا الحظه المؤثره اللي بتخليكي تكتبي رومانسي ( وموش عاوزين هرب)؟؟؟؟؟
لا وهرب من ايه انا اقدر اهرب اصلا ده انتي تقتليني ههههههههه
بصي ياستي البنت بطبيعتها رومانسية لكن انا معاكي ان في حاجه لازم تحرك مشاعرها لتكتب حاجه بالاحساس الصح انا مش من النوع اللي بحب اقرا كلمات موزونه واحس ان صاحبها كاتبها لمجرد انه بيكتب شعر وزي ماقولت قبل كده اللي بيطلع من القلب بيوصل القلب بنفس الدرجه لكن مش لازم يكون في ملهم يعني انا من النوع اللي بتأثر بالمشاهد الخارجيه في الحياه يعني انا النهارده شوفت فيلم حته منه وصلت قلبي اوي فوصلتني لاحساس القصيده او القصه اللي انا بكتبها
وممكن كمان يكون موقف حقيقي حصل ادامي اقف اسأل نفسي عني شئ معين كل ده بيوصلني لاحساس القصيده
من باب الطرفه بقي انا سمعت مرة حلقه من نور ومهند كتبت قصيده اسمها دعني احبك هههههههههه

3-انا عارفا ان والدك له تاثير كبير في حياتك ممن تصفيه لنا في سطرين؟؟؟؟؟
بابا في سطرين انا حاولت اوصفه في قصيده كامله وحاسه انها مااديتهوش ربع حقه ههههههههههه
بصي ياستي اقول ايه
قمة الحنان قمه الانسانية قمة الطيبه قمة الحب قمة الحزم قمة الغيره قمه الالتزام قمة الاحساس انسان حساس فوق الوصف وغير كده جد جدا ومرح جدا بصي انا بشوف بابا في شغله بقول ده حد تاني ومع ذلك الدنيا كلها تحبه بجد انا مش بقول كده عشان بابا لا اسألي عنه الدنيا كلها هتقولك كده
بس بابا عصبي اوي
4- هل ترين ان حياتك الاسريه مثالا يحتذي به ........... وكيف؟
بصي انا شايفه ان مافيش حاجه اسمها اسرة مثالا لاسرة تانيه مع اختلاف الششخصيات في الاسرة الواحده بيكون في مشاكل يعني مافيش اسرة من غير مشاكل بس المشكلة الكبري ان تكون الاسرة مفككه فاذا انتي قصدتي كده فانا اسرتي الحمد لله مثالا يحتذي به في عدم تفككها وترابطنا مع بعض يعني انا مهما الف وادور واقابل ناس ممكن تكون بتريحني جدا بس كله الا اخواتي بحس فعلا بالحضن الدافي في البيت

5- كم عدد اخوتك واخواتك ؟ ............. هل انت مدللة بينهم...........
عندي اخ واحد محمد الكبير وبعدية اختي الكبيرة وانا واختي الصغيره
مسالة الدلال دي اه انا مدللة بينهم اصل الشخصية هي اللي بتفرض علي اللي قدامها اسلوب التعامل معاها وانا طبيعتي بحب اني اكون حد سبيشيل بالنسبة للي بتعامل معاهم


انا موش عاوزا اتقل عليكي بقي ومستنيه الرد

ايه ده حد يقدر يقول انك تقلتي ادي ياستي اسألتك اتحلت
والله لوريكي لييكي يووووووووووووووووووووووووووووم