الحب لما يكون اعمى شوفو بيعمل ايه

عشان خطبته وحشته
قرر يكلمها فى التليفون
يلا نشوف قالوا ايه

الخطيب : بحبك ( يا بااااااي )


الخطيبة : وانا كمان ( داهيه تاخدك )


الخطيب : من اخر مره وانا بافكر فيكي ( يارب تغوري من وشي )


الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )
الخطيب : امال فين حماتي مش شايفها يعني ( الحربايه الكبيره )


الخطيبة : موجوده اندهها لك ( علشان تسم بدنك )


الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )


الخطيب : اهلا يا حماتي ازيك ( الهي ما تكوني بخير )


الحماة : اهلا يا خطيب بنتي ( بلا نيله )


الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )


الحماة : الف مبروك يا حبيبي ( ياما جاب الغراب لامه )


الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )


الخطيبة : وماله طبعا لازم نشوفها ( اكيد قد الحق وفي منطقه معفنه )


الخطيب : علي فكره يا حماتي ( جتك حمه )


الحماة : ايه يا خطيب بنتي ( خطيب الشوم والندامه )


الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )


الحماة : وماله يابني بس مش لسه بدري ( جتك نيله مستعجل علي ايه )


الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )


الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )


الخطيب : طيب يا حماتي انا حامشي دلوقتي ( افففففف انا اتخنقت من الوليه دي )


الحماة : ماهو لسه بدري ( في ستين داهيه )


الخطيب : باي يا حبيبتي ( حبك برص )


الخطيبة : مع السلامه يا حبيبي ( البلد اللي تودي )


الخطيب : كلميني في التليفون ( يا رب يقطعوا الحراره )


الخطيبة : اكيد يا حبيبي ( غور بقي )


ايه رايكم بيحبو بعض اووووووووووى

أية الرومانسية والحب ده كله
‏ ‏
اظن ان دول بعد الجواز
لا هيقتل مراته يا حماته

بس هل ده بيحصل فعلا

حب فظيع ربنا يفرقهم عن بعض
وتسلم الي كتبت النوايا الحسنة

ياسلام علي الحب أهو ده الحب والا بلاش
مش تقولو مشاعر وأحاسيس وكلام فاضي
اتعلموا بقي الحب علي أصوله
وياريت ياجماعه ماتبخلوش علي الحبوبه دي والحبوب ده والام كمان بالدعوة دي
‏<ربنا ياخدكم ويريح البشرية من أمثالكم بلا نيله>
بس نقول ايه الحب أعمي ههههه

ربنا ما يتمم الجوازه دى

دول حبهم خلانى كرهت نفسى

لو فى كدا بجد

يبقوا ندعى عليهم بدعاء سندريلا طبعا

بس فكرتها جميله تسلمى

اية دا اية دا
داحب يا جماعة ولا تعب قلب وارف
ولية مايريحوا نفسهم ويسيبوا بعض
ما اظنش ان دا بيحصل ابدا امال اسمة حب ازاى
وربنا ياخد اللى حياتهم كدة ويريحونا