لو كان نيلك يا مصر صلصه .....ميكفيش الكوسة اللى فيكى
2 مشترك
صفحة 1 من اصل 1
لو كان نيلك يا مصر صلصه .....ميكفيش الكوسة اللى فيكى
بسم الله الرحمن الرحيم
للكوسه ف بلادي شئون.
بتخلي المسنود فرعون.
يتفرعن فين مهما يكون.
وتخلي الجاهل أستاذ..
والأعرج لاعب جمباز..
وتخلي الأحول هداف..
والكوره الآوت ف الجون.
للكوسه ف بلادي شئون.
بتخلي المسنود فرعون.
يتفرعن فين مهما يكون.
وتخلي الجاهل أستاذ..
والأعرج لاعب جمباز..
وتخلي الأحول هداف..
والكوره الآوت ف الجون.
للكوسه ف بلادي شئون.
**
لو تعرف واحد ف الشرطه..
راح تخرج من أجدع ورطه..
والراجل اللي انت ظلمته..
تلاقيه متلقح مسجون.
والراجل اللي انت ظلمته..
تلاقيه متلقح مسجون.
**
أو تعرف شخصيه كبيره..
شغاله ف البنك مديره..
راح تاخد من غير ضمانات..
كام قرض بمليون مليون.
وهروبك طبعا مضمون.
**
ويا عيني لو تعرف نايب..
ف المجلس مش نايب خايب..
راح تبني أبراج وهميه..
أوراقها مظبوطه أكيد..
وفلوس الناس المهريه..
حتجيلك م الجيب للإيد..
بعديها تروح المستشفى..
وتقيد نفسك مجنون..
أحكامك تسقط ف ساعتها..
بعديها ترجع موزون.
**
ويا عيني لو تعرف شيخ..
فجنابك طاهر علطول..
وصيامك طبعا مقبول..
وإذا فرضا حبيت تتجوز..
تتجوز من غير مأذون.
**
وإذا ساكن ف عماره جديده..
وحبيبك راجل مسئول..
فسيادتك من غير ما تقول..
يركب لك فورا تليفون.
ولو انت عندك عربيه..
ونمرها سوده بنسرين..
حتعدي أجدعها كمين..
وحتكسر أوضحها إشاره..
ماهو نمرك سوده جباره..
ولا تعرف أيتها قانون.
**
ولو انت بتعرف فران..
أو واحد بياع جرنان..
راح تاخد طلبك وحتمشي..
من غير ولا دوشه ولا دُور..
والناس الغلبانه حتاخد..
طلباتها بعدك وتغور..
ماهو كله غيرك بيهون.
**
ولو انت زميل الحلاق..
راح تحلق اولها زبون.
وإذا كنت بتعرف دكتور..
حتعيش متطمن مسرور..
وحتسلك ف لجان الشفوي..
ومجال تعيينك موفور..
وحتطلع فالتليفزيون..
بالبدله وفيها الببيون..
تتكلم وبكل بساطه..
عن شرف المهنه المدفون.
**
لكن لو شاعر غلبان..
قلت اللي ف نفسك علطول..
حيقولو مين قال لك قول..
ويهاجمك مليون إنسان.
والتهمه إنك فنان.
مش برضه كلامي يا جدعان..
مش برضه كلامي يا جدعان..
حسينه.. ولا أنا غلطان !!
**
مش معنى كلامي يا أحبابنا..
إن إحنا خلاص اتغربنا.
فيه فينا أشراف وكتير..
إتربوا على حب الخير..
وإحترموا ولادهم والغير..
والناس إحترمتهم ولَّه =(والله)
فيه فينا أشراف وكتير..
إتربوا على حب الخير..
وإحترموا ولادهم والغير..
والناس إحترمتهم ولَّه =(والله)
الفاتحه على روحهم يلَّه.
****
شعر / سالم صلاح سالم
من ديوان "عربيٌ أم مسلم !"
dr:sniper- شخصية هامة
- s m s : أَنْهى الحـــــديثَ ، ولمْ يفـطن لخطبـــتهِ إلاَّ الصَّــدى و الّلَظى في قَـــلْبِه الدَّامي
وجَلْجَــــــــلَتْ صرْخةُ المستـهزئينَ بهِ : فــــــاتَ الأوانُ ، فلا تركن لأوهــــــامِ
نســـــيْتَ أنَّ لنــــا ربًّــــــا نلــــوذُ بـــهِ إذا تَـــــــطَاوَلَ فـينا جَـــــــورُ حُــــكَّامِ
عدد الرسائل : 5173
العمر : 34
الموقع : next vet
العمل/الترفيه : طبيب بـــــــــــيطري
تاريخ التسجيل : 13/12/2008
رد: لو كان نيلك يا مصر صلصه .....ميكفيش الكوسة اللى فيكى
فعلا قدر يوصف حالنا في كلمات بسيطه وجميله جدا
شكرا ليك يا دكتور
شكرا ليك يا دكتور
amora- مشرف ذهبى
- s m s :
عدد الرسائل : 728
العمر : 33
العمل/الترفيه : طالبة بكلية الطب البيطري
تاريخ التسجيل : 08/02/2009
مواضيع مماثلة
» ايه اللى ممكن تعمله لو قابلت الانسان اللى دمر حياتك؟؟؟
» الكوسة
» ايه اللى حصل بس..فاهمونى؟؟؟؟؟
» بنت طلبت رقم شاب غلط شوفوا اية اللى حصل
» علق اللى انت عاوزه على المروحه
» الكوسة
» ايه اللى حصل بس..فاهمونى؟؟؟؟؟
» بنت طلبت رقم شاب غلط شوفوا اية اللى حصل
» علق اللى انت عاوزه على المروحه
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى