*رمضان جانا*

رمضان جانا وده شهر الصوم
طبعا عارفين

يلا هندعى ربنا يقبل منا ومنكم
قولوا امين

ده شهر كريم والله واكرم
وبكرمه كلنا شاهدين

ادعى واخلص قول من قلبك
دلوقتى وبلاش بعدين

صلى وذكى وادى فريضتك
ربك شايفك مهو عليم

انوى الخير وانوى التوبه
واخلص فيها ربنا رحيم

عدت مننا ياما شهور
بنقضيها تهييس كالعاده

ونقول كله بييجى بالدور
هعيشلى يومين وبكره عباده

وادى شهر التوبه خلاص هل
والخير فيه بيكون بزياده

منتش ضامن عمرك يا بنى
فى ثوانى حبايبك بتروح

قرب منه واخلص ليه
ربك بيداوى المجروح

لو اذنبت ذنب كبير
ربنا قال ادعونى استجب

ويارب هندعيك بضمير
والشيطان سكته نجتنب

رمضان فى الاول فيه رحمه
وبتيجى بعده المغفره
والاخر عتق من النار

مهش معمول علشان اللحمه
ولا تليفزيون ولا مسخره
الموضوع جد مش هزار

الحق نفسك صوم رمضان
صلى واعبد الرحمن
ربنا موجود فى كل مكان
موجود والله فى كل زمان
مش بيغيب وييجى فى رمضان

من قلبى بقولك ربنا يقبل
منى ومنك صلاتنا وصومنا

علشان لما نقابله نلاقى
حاجه تشفع لينا بعد مماتنا


كل سنه وانتم طيبين




سامووووووووووووووووووووووووووووووووو





ويارب يقوينا على الصيام

كل سنة وانت طيب ساموووووووووووووووووو


ورمضان كريم

ومرسى ع الموضوع