جه صلاح الدين

من طرف **د/نور** الخميس يونيو 24, 2010 7:27 pm

جه صلاح الدين

كنا بندعي ونقول يارب رجع لنا صلاح الدين

ونبكي كتير ونرددها تاني يارب فين صلاح الدين

وفجاه جه ايوه جه

عاد صلاح الدين الي هرحررلنا فلسطين

جه علي فرسه بينادي فيكم

ويعاتبكم يا مسلمين

هو ده الاقصي فتحتهلكم من سنين

نسيتوه ازاي وكنتم عنه غافلين

ردينا في الم احنا اسفين لهانا الملاعين

واخدوه واحنا نايمين

قال لنا طيب خلاص تعالوا الاول نرجعه

ونصلي فيه اجمعين

قلنا يلا روح حرره واحنا هنا منتظرين

بس خد بالك دول مسلحين من زي الصليبيين

قال في عجب وانتم ايه مستنيين مش هتيجوا معايا نرجع عهد حطين

رد واحد بسرعه وقال نيجي فين انت عاوزنا نموت مقتولين

نسيت العيال وامهم دول هيكلوا منين

والتاني رد وراه انا لسه شاب في التلاتين

وقدامي مستقبل ولسه هسافر وهعمل ملايين

واخر واحد اتكلم قال انت روح حرر فلسطين

واحنا لما نفضي هنيجي نصلي وراك ونقول آآمين

رد صلاح الدين وقال امال ليه عاوزين صلاح الدين

ورددتم دعائكم كتير وانتم ساجدين

يلا قوموا ده الاقصي اسير وحزين

ساد السكون

سكت صلاح الدين شويه وقال فوقوا يا مسلمين

ولما تيجوا تقول يارب رجع صلاح الدين

لازم تقولوا رجع معاه جيش حطين

رجع معاه جيش حطين