بعد التحيه و بعد السلام اية رأيكوا

من طرف **mahmoud amer** الإثنين مايو 24, 2010 9:59 pm

[/url]

بعد التحيه و بعد السلام
ازيك ياريس وازي المدام
وقبل ما أنسي
...وقبل ما أنسي أنا بشكرك
علشان يعني بتسأل علينا ربنا ياريس يقدرك ويخليك كمان لينا
شكرا ياريس
شكرا ياريس علي كل حال
الشعب كويس وفل وعال العال
الشعب واكل معندوش مشاكل
والشباب شغال
واللي يقولك في بطاله
والمواصلات مش شغاله
والحكومه بقي حالها زباله
ولازم تتشال
ابعتلوا بسرعه ولاد الحلال
من أفاه هيشحنوه وهيكرموه و يظبطوه
في ابو زعبل يكسر جبال
اهو احسن من قعده القهاوي
ويقعد يقول كوسه ورشاوي
ويقول عليك كلام بطال
وفي الختام مني السلام
لبطلنا الهمام
بطل الوعود وكتر الكلام
وادي القصيده
انا مابخفشي وهفضل اقول
كلمه الحق عليها مسئول
ان الريس راجل طيب
وبشعبه دايما مشغول
مشغول انه يلم فلوسنا
بره فسويسرا يحوشهالنا
وفي حسابات سريه يشلهالنا
نفسه يأمن مستقبلنا
شوفتوا ازاي بقي قلبه رحيم
عنده ايمان وضميره سليم
بيجوعكوا لاجل تخسوا
أه ياشعب محتاج لرجيم
من جهلكوا بتقولوا بطاله
وان الشباب مش شغاله
ده الراجل نفسكوا يريحكو
هي الراحه تبقي عواله
اما حكايه المنتجعات
ليه بتسموها معتفلات
ليه الظن وسوء النيه
ده نفسوا يفسحكوا يابهوات
اما الكراسي واللي اتقال
ده كلام مش محتاج لسؤال
لغلطه دي غلطتنا ياعالم
احنااللي ماجبناش كراسي تقال
والله انتوا ظالمين الراجل
ضيع عمره ومين يستاهل
حتي الأكل بياكله بدالنا
طالع واكل
نازل واكل
بقي بعد ده كله ماله الريس