صراحة فى صراحه

من طرف **dr:sniper** الإثنين يناير 26, 2009 10:59 pm

دى لعبه جميله جدا وفكرتها سهله
دي لعبة الصراحه

كل واحد هيجاوب علي سؤال اللي قبله

ويحط سؤال للي بعده

سهله اهيه

مفيش اسهل من كده

بس الشرط الاساسي

الصـــــــــــــــــــــــرااااااااااااااحـــــــــــــــــــــه

مفهوووووووووووووووووووووووم

لو مش هتجاوب بصراحه

يبقي مش هتلعب معانا

صراحة فى صراحه B60

من طرف **dr:sniper** الإثنين يناير 26, 2009 11:00 pm

يالا مع اول سؤال والرد بصراحه

ايه اكتر حاجه بتحبها واكتر حاجه بتكرهها فيك؟؟؟؟؟

من طرف **RaNdY OrTeN** الثلاثاء يناير 27, 2009 2:18 pm

اكتر حاجه بحبها هما اصحابي
اكتر حاجه بكرها الخيانه
سؤالي بقى :
اكتر موقف فرحك
اكتر موقف زعلك
Laughing

من طرف angle of mercifulness الثلاثاء يناير 27, 2009 8:09 pm

هو اكيد فيه مواقف كتيره مفرحه
بس فيه فرق بين المفرح والمضحك
ممكن افتكر موقف مفرح
لم جالي كلية طب بيطري السادات
الموقف المحزن لم جاتلي نتيجه الثانويه العامه
وكانت جاتلي غلط

سؤالي بقي:-
ايه الموقف اللي حسيت فيه انك لوحدك؟

من طرف adnan الأربعاء يناير 28, 2009 12:03 am

لما حد يحرجني او يجرحني

ايه اكتر حاجه ندمان عليها...؟؟؟

من طرف **marmer** الأربعاء يناير 28, 2009 12:14 am

اكتر حاجة بندم عليها
هي
لما اعرف صديق
وبعدين اكتشفه اني كنت غلط
ويمكن كمان يكون عدو
عدو لنفسه قبل اي حد تاني
يعني كمان عدو لي

مين احب واحد لقلبك بتلجأله لما تكون مضايق ؟

من طرف **RaNdY OrTeN** الأربعاء يناير 28, 2009 7:12 pm

والله اكتر الأحيان ما بقولش لحد لأني مابحبش اشيل حد همومي او بحس اني لما بحكي همي لحد بحس اني بكلم نفسي لأن بصراحة مافيش حد بيزعل على حد الأيام دي بالذات لأن كلة بيفكر في مصلحتو ونغسة
بس اكتر الأحيان بحكي لوالدي لأن مافيش احلى من الصراحة بين الأب وابنة واللحمد للة ولا اية رايكم

سؤالي بقى :::
اية رايك في الحب ؟

من طرف **merooo** الخميس يناير 29, 2009 1:01 am

الحب دا احساس جميل جدا موجود ف حياتنا بجميع انواعه وكل الاديان دعت للحب

بس اهم حاجه الصدق ف المشاعر دي والا مش هيبقي حب خااااااااااااااااالص

ايه رأيك ف الصداقه بين الجنسين؟؟؟؟

من طرف **dr:sniper** الخميس يناير 29, 2009 9:39 pm

صراحه الموضوع دة شائك جدا جدا

انا ارجح الصداقه المشروطه اللى تحمى البنت

ودى على ما اعتقد صعبه

مش هكتر فى الكلام بس هقول ان الاختلاط حرام

ولازم كلنا نعترف بكده

الدين عندنا يا جنه يا نار للاسف مفيش حاجه وسط

ايه رايك فى الاختلاط واضرارة على البنت قبل الولد

من طرف **باسووم** الخميس يناير 29, 2009 11:49 pm

بصوا ياجماعه انا راي ممكن يبقي مش موافق ناس كتيره بس انا بصراحه مش شايف اي غلط في الاختلاط بس مش اي اختلاط الاختلاط المشروط.اختلاط في نوع من الاخوه قبل اي حاجه تانيه وياريت كلكوا تفهموني ياجماعه .وانا بحب اني اعامل البنت زي اي واحد من اصحابي بس كليتنا الوحيده اللي مش سامحه بكدا .بس مفيش مشكله في الموضوع دا وعموما كل واحد بينظرله من جهه معينه شايف منها انه صح او غلط.وهو اكيد حر في رايه.

......................................................................................................................

السؤال:بس بصراحه...انت بتختلط؟؟؟؟؟؟؟؟؟؟؟؟

من طرف **Dr. Ju MaNjI** الجمعة يناير 30, 2009 1:23 am

الاختلاط دى كلمه كبيرة وشامله حاجات كتير ردها عند اى واحد المفروض لأ
بس عادى الكلام فى حدود المسموح بيه
ودا مش( اختلاط)
واذا كانت بمفهوم ناس أخوة
فالأخوة هنا تحافظ عليها بقا يعنى متشوهش الصورة
ولا ايه ؟؟؟؟؟؟؟؟

سؤالى : بتعتقد بالحب اللى من اول نظرة؟

من طرف adnan الجمعة يناير 30, 2009 2:01 am

احيانا بيكون صحيح بس على فكره بيكون متعب جدا لان الحب من اول نظره ممكن يكون في المواصلات في الشارع في الكليه مع حد مش عارفه لكن الحب محتاج معرفه كبيره بين شخصين
الرد اه بعتقد...
سؤالي:
علل

ليه شخصية البني ادم بتتغير لو واقف مع الجنس الاخر؟؟

من طرف **باسووم** الجمعة يناير 30, 2009 1:16 pm

بص ياحوده هاقولك حاجه هي مقارنه بسيطه بس هاتبين

لو انت قابلت واحد لسه جديد في الدفعه اي طريق المعامله اللي هاتعمله بيها

اكيد كل احترام وادب حتي او الشخص دا(نفترض انه انت مثلا)ليه شخصيه تانيه خالص

بس...لحد اما تاخد عليه وبترجع لشخصيتك الحقيقيه....

ودا طبع في الانسان مش اكتر.............

......................................................

السؤال:اي اكتر حاجه نفسك تحصل عندنا في الكليه؟..

من طرف **merooo** الجمعة يناير 30, 2009 3:18 pm

سؤال حلو .. هو ممكن نخفف المناهج شويه لأن بجد الموضوع صعب وكتير صراحة فى صراحه Icon8

خصوصا ان طول التيرم نشرح ف جزء ونكمل الباقي ف اخر اسبوعين ودا حرام

نفس السؤال؟؟؟

من طرف **dr:sniper** الجمعة يناير 30, 2009 3:30 pm

حاجات كتير جدا

يعنى مشاركات الطبه فى الانشطة
اللى تكاد تكون منعدمه
ومن هنا يا جماعه اللى مستعد
يشارك معانا فى الاسرة باى حاجه
يتفضل معانا وانا هعمل ركن للاسرة

السؤاااااااااااااال

ليه الطلبه بتخاف تشارك فى الانشطه فى الكليه

من طرف sandrilla الجمعة يناير 30, 2009 5:11 pm

والله همه المشكله مش في الانشطه الطلابيه المشكله في اللي اتحط في عقول الطلبه ان اللي بيشترك في الانشطه انسان فااااااااشل ودي ببساطه لان فعلا كل اللي بيتجه ليها عبارة عن واحد عايز يضيع وقته مش كتير بيكون عندهم هدف انهم يفيدو او يستفاده بس زي مافيه كده اكيد فيه كده بس عشان بس الظاهر من المشتركين انهم من النوع اللي مش بيزاكر والله رأيي انا الشخصي المذاكره والكلام ده حاجه والحكم علي الشخصية حاجه تانية خالص بي للاسف اللي حوالينا مش بيفصلوا الموضوع كله موضوع وجهات نظر بس
اسفه اني طولت بس انا رغايه دي بقي صراحه هههههههههه

يلا بقي سؤالي
شايف الحب في الكليه ايه لعب عيال والا حقيقي؟؟؟؟؟؟؟

من طرف **marmer** الجمعة يناير 30, 2009 6:19 pm

احنا ما نقدرش نحدد بالضبط
لان ده بيتوقف علي شخصية الطرفين
ممكن يكون حب حقيقي
لو كان حب صادق بين الطرفين
وكمان متكافئ
دينيا و اخلاقيا و اجتماعيا و علميا
و اكيد طبعا مش يكون في الضلمة
لازم يكون في النور

و ممكن يكون حب عيال
يعني بيسلوا بيه وقتهم
مجرد تضييع وقت
الحكاية كلها تكون احتياج للحب و بس
لكن مش حب حقيقي

يعني من الاخر
صعب التحديد
زي ما في حب حقيقي في حب عيال .

السؤال : نفس السؤال ........؟

من طرف sandrilla الجمعة يناير 30, 2009 9:35 pm

الله عليكي يامرمر بجد كلامك رائع بس انا هضيف حاجه بسيطه
احنا ليه خلينا الحب كلمه يستهزأ بيها لدرجة اني سؤالي اصلا نوع من انواع الاستهزاء انا بقول هو لعب عيال هل يقال كده علي الحب اكيد لأ عشان كده الغلط فينا احنا اولا استخدمنا الكلمة في غير مكانها كل واحد شاف بنت وعجبه شكلها قال اه انا دايب وهيمان بدون مايعرف شخصيتها وفي الاخر يكتشف انها حد فاضي من جوه فيقول اه انا اتجرحت هو انت حبيت اصلا عشان تتجرح
اما البنت تشوف الولد الوسيم مفتول العضلات هههههه فتقول هوه ده فارس احلامي هوه ده اللي انا طول عمري بدور عليه وبدون اي نوع من انواع الارتباط تلاقيه كلم واحده تقول اه ده خاني ده خاين
ايه التفاهه دي للاسف دي اشكال بنشوفها يوميا وبنسمع حكاوي كتير من هذا القبيل لكن اللي يقهر بجد انهم بيقولو بيحبوا بعض هوه فين الحب ياجماعة احنا بقي عندنا نوع من فقدان المعاني اي حاجه بنقول عليها اي حاجه مابقيناش بنحس صح ومابقناش عارفين احنا عايزين ايه كل واحد داخل الكليه يصيع شويه اه يبقي لازم يبقي في بنت فشخره يعني والبنت بقي لازم تحس بانوثتها وده مش هييجي الا لو حد سبلها كلام فاضي وهيافه
لا وايه تلاقيه طول النهار مشغل حليم وهي مشغله الست ياسلام وعايشين الدور اتنين حبيبه
للاسف احنا فقدنا معني الحب و ففقدنا معاه احاسيسنا الجميله وبقينا نوديها في غير مكانها وكأنها مالهاش حقوق علينا وكأن قلبنا مالوش اي حق ولا اي شئ بقينا بياعين كلام للاسف ده حالنا مع قلوبنا
فسؤالي ببساطه اجابته حاسس صح بتحب صح اخترت انسانه صح وهي اخترتك برده صح تبقي كده وصلت لمعني كلمة حب
لكن زي مابنشوف يبقي اكيد غلط وده مش حب ده لعب عيال ولاني حتي الان لم اري نموزج لحب صح يبقي حب الكليات كله لعب عيال
اعذروني ده رأيي ببساطه

نفس السؤال برده

من طرف **باسووم** الجمعة يناير 30, 2009 11:47 pm

لكن زي مابنشوف يبقي اكيد غلط وده مش حب ده لعب عيال ولاني حتي الان لم اري نموزج لحب صح يبقي حب الكليات كله لعب عيال
طبعا مع احترامي لرايك يادكتوره بس مش شرط ان حب الكليات يبقي لعب عيال...

والدليل علي كدا ان في ناس اتخطبت ومن عندنا ..

ودا حاجه جميله....

وانا رأي ان الحب دا اكيد اكيد مش لعب عيال ولا نقدر نستهزئ بيه...

واسمحولي بشويه امثال:-

القلب الذي لا يؤمن بالحب قلب بارد.

أعقل ما في الحب جنونه.

إذا صح ان الحب يموت فلا حاجة لنا في البقاء.

الحب كالموت يغير كل شئ.

....كفايه كده اسف طولت عليكوا

السؤال:انت حبيت قبل كدا او بتحب دلوقتي؟؟؟؟

من طرف **Dr. Ju MaNjI** السبت يناير 31, 2009 2:56 am

اولا

منوورين فى قلب الموضوع الصريح دا

ثانيا

من كلامكم واضح ان فى أكتر من نوع للحب
تقريبا اتنين
حب حقيقى وحب لعب عيال
أنا شايف ان الحقيقى هو اللى مفروض نوجهله الاهتمام
وأظن ان محدش معترف بلعب العيال
بالنسبه للحقيقى فى كلمتين بساط
عجباك روح قولها
حباك روح اتقدملها
يعنى ايه؟
يعنى عجباك روح قولها على طول وأعرف اذا كان فى حب متبادل ولا لأ
لو فى كمل الخطوة التانيه اتقدملها
مش قادر دلوقتى لسا مش بايدك حاجه
يبقى عرفتها
وسيبها وشوف نفسك بقا تستاهلها ولا لأ
يعنى ايه؟
يعنى شوف حالك انت بص لمستقبلك راعى ربنا فى نفسك (انت أمانه عند نفسك)
طور نفسك وخلي لك طموح أوصله
ولما تنجح يبقى تستاهلها
مفيش حد بيرمى بنته .........عشان تتخرج من الكليه وتروح تتقدملها
الا اذا كنت ملو هدومك كدا وتمااااااااام

والبنات نصيحه صغيرة يا ريت
تاخدوا الموضوع بحكمه شويه وجد
فى بنات بتتمنظر باللى بيقولها معجب وتقعد تتفشخر قدام زمايلها بقا وكدا انتو فاهمين طبعا
الموضوع بتاع الحب دا جد دايما ومفهوش هزاااااااااااار

ثالثا

يعم بسووم حصل انى جربت الحب دا
اللى هو لعب عيال
وهى اللى بدأت بس حب الفضول خلانى اجرب
وبصراحه استصغرت نفسى بس والله مكملت هما يومين بس (اسبوع يعنى)ههههههههههههههههه
بس انا محستش بحاجه يعنى من ناحيتها فروحت قافل على الموضوع وقولتلها انتى فى سكه وانا فى سكه
عشان العلاقه متطورش احنا لسا فى الاول خلينا اخوات احسن
والحمد لله كانت متفهمه وعدت على خير

رابعا

مش هقول طولت زى ما بتعملوا (أنا قاصد بقا)رخامه هههههههههههههههههههه
خامسا

السؤااااااااااااال
بتحب حد فى الكليه معاك؟ ولو فى ولو بتحبها ممكن تقول مين؟

سادسا

معتقدش انى فى حد هيرد على السؤال التانى دا
هههههههههههههههههه

من طرف **RaNdY OrTeN** السبت يناير 31, 2009 11:17 am

هو كان في بس مش حب هو إعجاب بس
ولما فكرت مع نفسي لاقيت ان اي قصة حب في الكلية سوري في اللفظ فاشلة لية ؟
احيانا زي ما انتو قولتو انها لعب عيال بس قليل جدا لما يكون حب حقيقي
وطبعا اي شخص انة يعرف ان الي بيحبة بيلعب بية ولا بيحبة حقيقي لأن الكدب بقا الموضة
مثلا البنت تقول لزمايلها انا خليته يحبني وقلشتة
والشاب يقول خت الي عاوزة منها وخلاص بقى الي بعدها
علشان كدة انا مش حاطط في الدماغي الحب
واجابة سؤال Dr. Jo MaNjY :
كنت معجب وخلاص والي يكتبة القدر هنشوفة Shocked

اه كانت من الكلية

سؤالي بقا :::: affraid

اول مرة تحب كان عندك كام سنة ؟
وحبيت بجد ؟ confused

من طرف sandrilla السبت يناير 31, 2009 12:00 pm

ايه ياجماعة انتوا قلبتو الاسئلة كده ليه ماكانشي سؤال اللي انا سألته يعني خلاص انا بسحبه لو سمحتوا اقلبوا بقي ههههههههههههههههههههههه
دي مش بقت اسئلة صريحه دي طريحه هههههههههه
بس انا اولا هعلق تعليق بسيط لدكتور باسوم انا لم اقصد ان مافيش حب حقيقي هو في اكيد واكيد في قلوب كتير مليانه بالحب ده بس صدقني مش بيلاقي اللي يدافع عنه فبينتهي يعني مع اول جرح بيقف الحب ده انا مش بسمي ده حب هوه اه ممكن يكون احساس جميل بس الحب ان لم يتوج بخوفي علي فقدان حبيبتي وخوف حبيبتي انها تفقدني ويبقي سهل مع او جرح يروح قايلها الله يسهلك مع غيري وترد هي ربنا يرزقك ببنت الحلال اللي تسعدك واكيد هتلاقي احسن مني ودي حاجات بتحصل كتييييييييييير وحصلت قدامي شخصيا انا بصراحه وقفت اتساءل فين الحب اللي كانوا بيحكوا عليه وعلي فكره كانوا في عداد المخطوبين لانه كان قاري فتحتها
ده بقي انا بسميه غبااااااااااااااااااء
وعشان كده انا قولت اني ماشوفتش قصه كملت صح حتي في ناس اتجوزوا من الكليه بس ليس عن حب

انا بقي السؤال الغريب بتاع عندي كام سنه ده اكيد مجاوب نفسه لان اكيد اكيد مافيش حب قبل ماتروح الكلية وهل حب حقيقي او لا برده مجاوب نفسه
اللي قبل الكلية ده بيبقي مجرد احتياج للحب فبيكون اعجاب بس واقل كمان من الاعجاب يعني لعب مراهقين

وانا هغير بقي الاسئله كفاية حب كده هههههههههه
سؤالي بقي
هل ممكن تتجوز واحده ادك او اكبر منك في السن حتي ولو ببضع شهور ده طبعا مع وجود شرط انك بتحبها
وللبنات نفس السؤال هل ممكن تتجوزي واحد ادك او اصغر منك في السن ببضع شهوروطبعا انتي برده لازم تحطي في دماغك انك بتحبيه

من طرف **باسووم** السبت يناير 31, 2009 12:44 pm

ههههههههههههههههههه
لا تغير فعلا
المهم................
بالنسبه اني اتجوز حد اكبر مني ببعض شهور وهي معايا في الصف الدراسي مثلا
يعني ادي وانا معرفش تاريخ ميلادها مثلا
ونشأت بينا علاقه حب هيبقي عادي جدا ومفيش اي حاجه
مدام في حاجه واحده اللي هي الحب
...........................................
تعرفوا يادكاتره انا هاقولكوا علي حاجه انا اتخنقئت من الكلمه دي(الحب)
بجد .................
فعشان كده هاغير الموضوع خالص ونرجع لهوايتنا
السؤال ام سي كيو علي فكره...
هههههههههههههه
عموما
اي اكتر طائر بتتحبه او بتحبيه؟؟؟؟

من طرف **merooo** السبت يناير 31, 2009 3:27 pm

أنا بحب الكتكوت وهو صغير لكن لما يكبر ويكون فرخه بأخاف منها شويه

وكمان بحب عصافير الزينه جداااااااااااااااااااا نفس السؤال؟؟؟

من طرف sandrilla السبت يناير 31, 2009 6:13 pm

انا بحب العصافير جدا جدا جدا بحب احس اني بتكلم معاهم
وكمان الحمام واليمام
والهدهد بمووووووووووووت فيه بس عمري مامسكته
بس كفايه كده

وسؤالي بقي
امتي حسيت انك فخور بنفسك ؟ وامتي حسيت انك ولا حاجه؟

من طرف **marmer** السبت يناير 31, 2009 6:45 pm

حسيت اني فاخورة بنفسي
زمااااان
ايام ما كنت بكون من الاوائل علي المدرسة
وبحس بفخر والدي و والدتي وكل اللي بيحبوني
لكن
حسيت اني ولا حاجة
يوم النتيجة الثانوية العامة والتنسيق
خيبت ظن كل اللي بيحبوني فيه
بجد احساس صعب قوي
السؤال ........نفس السؤال

من طرف **باسووم** السبت يناير 31, 2009 10:54 pm

حسيت اني ولا حاجه لما شلت اربع مواد في
اول ترم في الكليه
وحسيت اني فخور بنفسي اما عديت مادتين
وعديت اولي الحمدلله؟؟؟؟؟؟
...............
السؤال:اجمل نكته بتحبها او بتحبيها اي...... بتضحكك اوي؟

من طرف **Dr. Ju MaNjI** الأحد فبراير 01, 2009 12:32 am

أحلى نكته بحبها

مسطول بيقول لصاحبه : يا أخى امبارح كنت بتفرج على فيلم هندى هايل بتاع راجل وست
ماشيين لقوا طفله فى اللفه خدوها وربوها لغايه ما كبرت وفى الاخر
طلعت أمهم

سؤالى : كام مرة ضحكت على الناس ؟ وكام مرة ضحكت عليك الناس ؟

من طرف **marmer** الأحد فبراير 01, 2009 12:44 am

انا ما افتكرش اني ولا مرة ضحكت فيها علي حد
لاني مش بعرف او الافضل مش بحب اضحك علي حد
الا اذا كان في نطاق الهزار وهو عارف

لكن بقي كم مرة ضحكت الناس عليه
اعتقد انه كتيييير

امتي بتكون صريح مع نفسك ؟
وامتي بتحب تضللها ؟

من طرف **dr:sniper** الأحد فبراير 01, 2009 9:10 am

طبعا الواحد يمكن الحاجه الوحيده اللي علي طول صادق معاها ومينفعش يضللها لأي سبب هي نفسه
يعني الواحد يضلل كل حاجه الا نفسه

ده رأى يا جماعه
نفس السؤال

من طرف **باسووم** الأحد فبراير 01, 2009 1:56 pm

علاطول ببقي صادق مع نفسي
ماعدا ايام الامتحانات بس بحب اوهم نفسي اني
مخلص وعارف كل حاجه عشان اعرف ادخل احل
اللي اعرفه.
السؤال بقي......
لو كنت مكان الباشا الكبير رئيس الجمهوريه اللي ربنا يخالهونا كلنا
كنت عملت ايه للبلد دي؟؟؟؟
وربنا يسترها علينا بقي

من طرف **ملكه الاحساس** الأحد فبراير 01, 2009 4:22 pm

يااااااااااااه
كنت عملت كتير
انا طول عمري بحب الخير ونفس لو بايدي سلطه كنت ساعدت كل الناس
عموما لو كنت رئيس جمهوريه
كنت عملت
1 بالنسبه للتعليم كنت غيرته خالص وخليته خفيف علي الطلبه من الابتدائي للجامعه يعني المفيد وبس مفيش حشو ولا كلام من ده
2بالنسبه للعلاج كنت خليته بالمجان وللفقراء بالذات
3بالنسبه للخدمات كنت وزعت علي الناس فلوس كتير وشغلت الناس كلها حتي ولو بمبالغ صغيره المهم ميكنش فيه بطاله
نظافه البلد اهم حاجه علشان السياحه ده رقم اربعه
هقول كفايه كده علشان كلنا نشارك في نفس الاجابه علي السوال ونحلم شويه
يعني نفس السؤال

من طرف **RaNdY OrTeN** الأحد فبراير 01, 2009 5:11 pm

سؤال :
بعد ما تتخرج نفسك تقعد تشتغل في بلدك ولا تسافر بلاد الخليج ولا اوروبا ؟

من طرف **Dr. Ju MaNjI** الأحد فبراير 01, 2009 6:11 pm

أنا نفسى فى حاجه تانيه
اننا نجعل بلادنا العربيه دى عشان ننميها
ايه الواحد اللى يسافر بره
ويقعد ويتغرب وفى الاخر دا كله عشان يبقى معاه فلوس
لا اقعد هنا فى بلدك هى عيزاك
لو كانت بتنطق كانت صوتت فى وشك
وخليتك تقعد
امال لما نسيبها مين هيطورها ومين هيراعيها
الكلام عام مش لأى شخص خاص
أتمنى اننا نغير الفكرة دى
وعايز تعقيب عليها من الجمهور

أما سؤالى
بتعاتب نفسك على الغلط اللى بتعمله ؟
واذا كنت غلطت فى حد روح صالحه
نصيحه للتذكير وبس

من طرف **marmer** الإثنين فبراير 02, 2009 12:19 am

الحمد لله
انا لو غلطت لازم اعاتب نفسي لو حسيت اني غلط
واحاول اشوف فين الصح و احاول اعمله

لو انت بتحب حد قوي وحصل اي ظرف واتفرقتوا
ممكن تتنازل في سبيل حبك ليه وتبدا انت تكلمه
حتي لو كان هو اللي غلط ؟

من طرف **باسووم** الإثنين فبراير 02, 2009 1:06 am

اكيد بتبقي في اول فرصه بس احيانا
مش بعرف بس ببقي من جوايا نفسي اكلمه
......اكتر لعبه بتحبها علي الكمبيوتر اي؟؟؟؟؟؟؟؟؟؟

من طرف **Dr. Ju MaNjI** الإثنين فبراير 02, 2009 5:32 am

أكتر لعبه يا باسووم فيفا 2007
اللى على طول بغلبك فيها
وان كنت ناسى افكرك
>>>>> هل سافرت بره مصر قبل كدا؟ وكام مره لو سافرت؟ ومصر احلى ولا البلد اللى روحتها؟

من طرف **باسووم** الإثنين فبراير 02, 2009 7:13 am

ههههههههههههههههههههههههههه
بردوا انت اللي بتلبني الله يرحم اما كنت تتحايل عليا
انك تفوز ماتش................
طبعا سافرت رحت طنطا وشبين دا انا لفيت ياراجل........هههههههههههههههههه
اه سافرت بره وهي مره واحده بس طبعا مفيش احسن من مصر يابني مصر ام
الدنيا انت نسيت ولا اي

من طرف nora vet الإثنين فبراير 02, 2009 3:25 pm

السلام عليكم
حلوه اللعبه دي اوي
تسمحولي اشترك معاكم فيها؟

من طرف **marmer** الإثنين فبراير 02, 2009 7:27 pm

nora vet كتب:
السلام عليكم
حلوه اللعبه دي اوي
تسمحولي اشترك معاكم فيها؟

اكيد طبعا

فين السؤال يا د.بسووم

من طرف **باسووم** الثلاثاء فبراير 03, 2009 12:17 am

اسف نسيت مصر نستني بس
السؤال
اجمل ماده في الكليه حبتها او شايف انها هاتفيدك؟؟؟؟ lol!

من طرف **dr:sniper** الثلاثاء فبراير 03, 2009 1:01 am

أكيد فيه كتب عجبتني هي أي نعم مش كتير بس فيه
البهافير ¤ التشريح
ربنا يسهل و نستفاد منهم

السؤال ¤ ¿
لو الظروف سمحتلك أنك تستغل منصبك هتعمل أيه ?

من طرف angle of mercifulness الثلاثاء فبراير 03, 2009 9:30 am

منصب زي ايه يا دكتور ؟
ممكن السؤال يوضح شويه

من طرف **Dr. Ju MaNjI** الثلاثاء فبراير 03, 2009 11:06 pm

والله المنصب لو حسب المجال دا بيطرى يعنى
الواحد أكيد هيحاول انه يرفع مستوى الوعى لأهميه الطب البيطرى
اللى نعرفته متشحورة عند كتير من الناس

ولو تعليمى يبقى احسن الامكانيات اللى بيها الطلبه تعيش اكتر فى المجال
ودا اللى طبعا بنعانى منه كلنا

أما لو المنصب خلاف دول وهيبقى عام
الواحد يراعى الصغير قبل الكبير والفقير قبل الغنى
ويراعى ضميره فى حكمه على الناس

يا ريت يجى اللى يعمل اى حاجه فى دول

الواحد بيدعى ربنا يجى الارض اللى يفوقها ويشيلها من الظلام الكحل اللى عايشه فيه

ودمتم امنين

سؤالى

حصلتلك حادثه ربنا يعافينا جميعا ؟
شعورك كان ايه فيها ؟
افتكرت ربنا وحمدته ولا ............ ؟

من طرف **باسووم** الأربعاء فبراير 04, 2009 12:47 am

بص ياهيما انا اكيد حاكتلك علي الحادثه دي
بص ياسيدي كنت راكب عربيه وواااااز واحنا ماشيين كان جنبنا ترعه علي الشمال فالسواق الباشا بتاعنا خدد مطب
وفجأه لاقينا حاجه بطرطش في الترعه وبنبص لاقينا عجله العربيه بتاعتنا في الترعه ههههههههههههههه حلوه صح
وطبعا السواق مش عارف يتحكم في العربيه ونازلين علي الترعه وكلوا فتح الابواب عشان ينزل وانا اعد قدام اعد اتفرج
مش عارف اعمل اي حاله ذهول بس
بس الحمد لله ربنا وقف العربيه قبل ماتنزل بمسافه مازادتش عن عشره سم بس ربنا ستر الحمد لله واديني اعد اكتب اهو
طبعا بعد الحادثه شكرت ربنا جاامد بس الحقيقه بعد فتره عشان كنت نازل بقع رجلي مش شايلاني ونازل اضحك من الموقف
..........................................................
السؤال ؟؟؟؟؟
صعب اوي
اي اجابه السؤال اللي تتوقعها لسؤالك للي بعدك؟؟؟؟؟؟؟؟؟
رخم انا صح ؟؟؟؟معلش بقي مفيش غير دا

ههههههههههههههههههههه حاجه دمها خفيف والله
انا اتوقع اجابة سؤالي اللي كنت هساله (لا)
هو انتوا عاوزين تعرفوا ايه هوا السؤال؟

السؤال هو هل كنت سعيد بنتيجة التنسيق لم جالك طب بيطري؟
طبعا انا عارفا ان السؤال ده اتسال قبل كده بس دا الوحيد اللي متاكده من اجابته عندكوا كلكوا

من طرف dr fatafeet الأربعاء فبراير 04, 2009 12:57 pm

ايه يا دكاتره انا نفسي الاقي حد فيكم فرحان بالكليه خلاص بقت امر واقع ولا ايه ؟؟ والله كله في الاخر شكل بعضه بشري بيطري المهم اللي يذاكر هقولكم علي حاجه انا معايا في الكليه واحد دكتور في سنه اولي بقاله خمس سنين في الكليه !!!!!!!!!! عمال ياجل وياجل وياجل وينزل وينزل خمس سنين !كده الاهم الكليه ولا اللي هيدخل الكليه ؟؟؟

من طرف **Dr. Ju MaNjI** الأربعاء فبراير 04, 2009 4:33 pm

كلنا بنحب الكليه بس موادها رخمه شويه وكمان الوقت مضغوط

ربنا مع الجميع

السؤال فيييييييييييييييين يا فتافيت

محدش ينساااااااااااااااااه

من طرف dr fatafeet الأربعاء فبراير 04, 2009 5:14 pm

انا والله معنديش سؤال معين بس ممكن اخد رايكم في موضوع لو في حد متعلق بحد لدرجه ان روحه فيه بس اهله مش عايزينه يعرفه ولاحتي يكلمه مع العلم ان الحد دا اخلاقه كويسه جد ا يعني المشكله مش في الاخلاق هي ظروف ادت للحاله دي تفتكروي لو هو لسه يعرفه دا يبقي حرام ولا لا ؟؟؟؟

من طرف **باسووم** الأربعاء فبراير 04, 2009 11:59 pm

هو سؤال صعب جدا وحصل لكتير مننا بس الحقيقه
مش عارف اقول اي بس الاحسن نراضي الطرفين ومش هايبقي فيها غلط انا بعتقد كدا ودا راي
والحقيقه كنت بعمل كدا اما اتحطيت في نفس الموقف دا

السؤال:احب برنامج ليك بتستخدمه علي الكمبيوتر بتاعك اي؟؟؟؟؟؟؟؟؟؟؟