NeXt VeT
المنتدى هنا زى الفل و مش محتاج سجل بسرعة و أدخل على طول و إستمتع معانا بأحلى الأوقات ... منتدى بحق و حقيقى مش لعب عيال و تحدى يلا مستنى أيه سجلو شارك باقى الأعضاء فى الأقسام المختلفة ... الحصريات بجد عندنا و بس......

امجــد الـشيـخ مقرر اسرة نكست فيت يرحب بكم
ويتمني لكم قضاء اجمل الاوقات معنا

موضوع: يَوْمِيَّات ابْلِيْس بِيَه وَابُو جَهْل............؟؟؟  ( الحلقه  الثانيه),,,,, 6qwete0


انضم إلى المنتدى ، فالأمر سريع وسهل

NeXt VeT
المنتدى هنا زى الفل و مش محتاج سجل بسرعة و أدخل على طول و إستمتع معانا بأحلى الأوقات ... منتدى بحق و حقيقى مش لعب عيال و تحدى يلا مستنى أيه سجلو شارك باقى الأعضاء فى الأقسام المختلفة ... الحصريات بجد عندنا و بس......

امجــد الـشيـخ مقرر اسرة نكست فيت يرحب بكم
ويتمني لكم قضاء اجمل الاوقات معنا

موضوع: يَوْمِيَّات ابْلِيْس بِيَه وَابُو جَهْل............؟؟؟  ( الحلقه  الثانيه),,,,, 6qwete0
NeXt VeT
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

موضوع: يَوْمِيَّات ابْلِيْس بِيَه وَابُو جَهْل............؟؟؟ ( الحلقه الثانيه),,,,,

4 مشترك

اذهب الى الأسفل

موضوع: يَوْمِيَّات ابْلِيْس بِيَه وَابُو جَهْل............؟؟؟  ( الحلقه  الثانيه),,,,, Empty موضوع: يَوْمِيَّات ابْلِيْس بِيَه وَابُو جَهْل............؟؟؟ ( الحلقه الثانيه),,,,,

مُساهمة من طرف the whale السبت ديسمبر 18, 2010 10:10 pm

[center]



الحلقة التانية

شوف يا سيدي .. بعد الأيام بتاعتكم المسلمين وصلوا للدنيا كلها وحكموا البلاد دي بالقرآن اللي جابه محمد
- أيوووووووه .. حكموا البلاد دي
- آه امال ايه .. بس اخوك ما سكتش
- أيوه طمني كده .. عملت ايه بقى ؟؟
- فضلت ورا ناس منهم .. لغاية ما طلعت في دماغهم إن القرآن ده كان بتاع زمان بس .. وما ينفعش الزمان ده
- معقول ؟؟ وصدقوك ؟؟
- طبعا .. ومن يومها بطلوا يحكموا بالقرآن .. وفضلوا يحاربوا الناس اللي عايزة تحكم بالقرآن .. ويقولوا عليهم أسامي تضحك أنا اللي علمتها لهم .. رجعيين .. متخلفين .. متطرفين .. إرهابيين .. حوارات كده
- الله ينور عليك .. أهو كده الشغل الصح .. طب ليه بقى رجعوا يكتبوا الإسلام هو الحل عالحيطان
- أصل مع الوقت الناس اللي انا ربيتهم دول بقوا حرامية كبار أوي .. وسرقوا كل حاجة في البلد .. لحد ما ناس بقت مش لاقية تاكل ..
(يسمعوا صوت واحد بيصرخ .. الحقونيييييي .. هيموتونيييييييي)
أبو جهل - ايه ده ؟؟ .. تعال نخلص الراجل ده بسرعة ده بيستنجد بينا .. أنا جاااااااااااي
إبليس - بس بس رايح فين .. انت اتجننت وللا إيه ؟
- اتجننت ؟؟ .. انت مش سامع الراجل بيستنجد بينا .. دول بيسرقوه وهيموتوه .. ده واحد رافع عليه سيف
- لا ما تقلقش .. ده عادي دلوقت دول عايزين يسرقوا حاجه منه اسمها الموبايل وده حاجه حكايتها حكايه هبقى اقلك عليها بعدين
- إيه اللي عادي .. ما حدش ينجده ؟؟
- آه .. ما هو أنا خليت الناس دلوقت تنسى حوارات النجدة والمروءة .. والوهم بتاعكوا بتاع زمان ده .. دلوقت لو واحد قعد ينادي على الدنيا كلها الناس ولا هاتعبره
- اخص على الناس .. ده انت بوظت الناس خالص يا جدع.
- أمال كنت فاكرني بالعب الكام ألف سنة اللي فاتوا دول .. شغل يابا
- وبعدين
- رجع الناس يفكروا تاني يحكموا بالقرآن .. وناس كتير طلعت تقول ان الإسلام هو الحل .. بس أنا كنت مظبط بقى شوية ناس يطلعوا في الفضائيات والجرايد فترة طويلة .. الناس وثقت فيهم وبقوا يصدقوهم .. وخليتهم يقولوا إن الإسلام ما ينفعش حل .. وخلينا نجرب فكر جديد وكلام من ده .. وادونا فرصة تانية
- يعني معقول فيه ناس لسه بتفكر يحكموا تاني بالإسلام .. زعلتني يا شيخ
- ما تقلقش .. أخوك شغال .. هم في الآخر اتفقوا يخلوا الناس هي اللي تحكم بينهم .. اللي تختاره الناس يمشي .. عشان كده كل فريق منهم بيعمل إعلانات لفكرته .. ومنها اللي مكتوب عالحيطان ده .. وبيسموا الشغلانة دي انتخابات
- طيب وانت ايه اللي مخليك مطمن أوي ان أغلب الناس مش هتختار الإسلام هو الحل
- لا طبعا .. هو الموضوع مش كده .. تعالى بس اوريك .. انا معزوم النهارده مع اصحابي على قعدة كده عشان نظبط موضوع الانتخابات ده
- وإيه الزحمة دي .. الناس دي كلها بتعمل ايه ؟
- ده واحد نازل الانتخابات وجايب الناس في الشادر ده عشان يقول لهم هيعمل ايه
- ده من بتوع الإسلام هو الحل وللا من اصحابك ؟
- لا ده ولا ده .. أصل فيه ناس تانية كتير مش عاجبها اللي عملناه في البلد .. وبيقولوا لازم نصلح البلد ومش شرط نقول الإسلام هو الحل لإن كل الناس مسلمين .. بس بيني وبينك اصحابي خايفيم منهم أوي عشان ناس نضيفة مش حرامية زيهم .. ياللا وصلنا اهوه
( يدخلوا فيللا فخمة .. يدخل ابليس ومعاه أبو جهل .. الناس بتبص لابو جهل ومستغربين من شكله .. مزمزة هانم تستقبلهم )
- أهلا أهلا إبليس بيه .. إيه اللي معاك ده ؟؟ .. لقيته فين ده ؟
- أهلا مزموزتي .. لا ده صاحبي عمرو .. بس هو كان رايح حفلة تنكرية وجبته على هنا وما لحقش يغير
- آآآآآآآآآآه .. تصدق ده انت فعلا شبه عبد الكعبة اللي كان في فيلم امبارح ..
- آه .. ماهو يبقى ابن اختي
- ابن اختك ؟؟ ههههههههه .. دمك خفيف أوي يا سي عمرو
- لمـّي إيدك يا ولية انتي .. .. انتي من أصحاب الرايات الحُمر وللا إيه ؟
- رايات ايه يا دلعدي .. حُمر ؟
ابليس – لا لا ما تاخديش على كلامه .. ده أصله شيوعي .. – عسل يا إبليس بيه .. عسل .. طول عمرك دمك زي العسل
ابليس – طب خلينا في موضوعنا .. الشلة وصلت وللا لأ .. كانوا قايلين لي عايزينـّي النهارده
- كلهم جوه .. مستنيينك من بدري
( يدخل ابليس وأبو جهل .. الناس يشوفوا دقنه وشكله يتخضوا .. ويلموا الورق اللي في إيديهم )
إبليس – ما تخافوش .. إيه ؟؟ .. ده عمرو صاحبي .. أمان يعني .. هو أنا يعني غشيم أجيب لكم حد كده وللا كده
- لا مؤاخذة يا بيسو .. احنا شفنا دقنه قلنا إرهابي وواخدك رهينة وللا حاجة
- يا عبيط .. انتوا هتكدبوا الكدبة وتصدقوها .. مانتو عارفين ان ما حدش بيعمل كده .. المهم .. وروني عملتوا إيه .. إيه الجديد السنة دي
واحد - كتير .. البركة فيك يا ريس
التاني – شوف يا سيدي .. أنا اتفقت مع مقاولين أصوات ندفع للناس فلوس .. ويدونا صوتهم .. هنغريهم بمبالغ كبيرة أوي .. وموبيلات .. وأكل
إبليس – طب ولما ياخد الفلوس ويديهم صوته يا حدق .. هتعمل فيها ايه دي ؟
التالت – عييييييب .. معانا أهو ورق تصويت فاضي .. هادي له اللي متعلم عليها باسمي ويديني الفاضية اللي هياخدها من جوه
إبليس – معقول برضه .. مش بطال .. غيره
الرابع – شوف يا سيدي .. عملنا كشوفات بالناس اللي في شركاتنا وكل واحد طلع لهم ولعيلتهم آلاف البطايق في دايرته
إبليس – قديمة .. ما هو الناس اللي قصادنا كتير برضه وممكن عددهم يبقى أكتر مننا
الرابع – هههههههه .. ما هو احنا بوظنا الكشوفات اللي فيها الأسماء .. ما حدش هيعرف مكانه الجديد .. أي واحد يروح يدي صوته هيحتاس ونلففه على ميت لجنة لحد ما يزهق ويروح
إبليس – براوة عليك يا وله .. أهو كده الشغل وللا بلاش .. إيه رأيك يا عمرو
أبو جهل – لا والله ما هذا بالرأي .. الناس لو مخنوقة منكم فعلا هيفضلوا يدوروا لغاية ما يعرفوا لجانهم
التاني – أمال انت رأيك فيه يا فتك ؟
أبو جهل – ليس لهم إلا السيف .. ادبحوهم .. اسألوني انا
إبليس – اتنيل اسكت انت .. الكلام ده ما عادش ينفع .. ما تشوفوا لنا حاجة تانية يا جماعة .. فين أيام زمان لما كنا بنغير الصناديق
الخامس – ما هو الجماعة اللي جوه اللجنة دلوقت مش تبعنا .. وما نقدرش عليهم ياريس .. وممشيينها ميري أوي
إبليس – طيب .. على أي حال خلينا نشوف .. بيتهيألي احنا نجحنا فعلا نقنع الناس ان فيه تغيير وفكر جديد .. وطلعنا بطاقات كتير .. وشوية بالفلوس .. وما فيش حد أصلا هيروح يدي صوته .. نتوكل على الله .. وربنا يسهل


ومستنيكم في الحلقة القادمة ان شاء الله.. أما نشوف آخرتها[

/center]
the whale
the whale
مشرف
مشرف

s m s : سبحان الله وبحمده

سبحان الله العظيم
ذكر السمك الحصان
عدد الرسائل : 319
العمر : 34
الموقع : الحوووووووووووووووووووت
العمل/الترفيه : بيطري بس الحمد لله
تاريخ التسجيل : 31/03/2009

الرجوع الى أعلى الصفحة اذهب الى الأسفل

موضوع: يَوْمِيَّات ابْلِيْس بِيَه وَابُو جَهْل............؟؟؟  ( الحلقه  الثانيه),,,,, Empty رد: موضوع: يَوْمِيَّات ابْلِيْس بِيَه وَابُو جَهْل............؟؟؟ ( الحلقه الثانيه),,,,,

مُساهمة من طرف Angel السبت فبراير 05, 2011 4:27 pm

الحلقة فعلا تحفة
تسلم ايدك
منتظرين باقى الحلقات
Angel
Angel
1000 مشاركة
1000 مشاركة

s m s : sorry,I can live with out you
انثى الحمل الماعز
عدد الرسائل : 1077
العمر : 32
العمل/الترفيه : vet
تاريخ التسجيل : 31/08/2010

الرجوع الى أعلى الصفحة اذهب الى الأسفل

موضوع: يَوْمِيَّات ابْلِيْس بِيَه وَابُو جَهْل............؟؟؟  ( الحلقه  الثانيه),,,,, Empty رد: موضوع: يَوْمِيَّات ابْلِيْس بِيَه وَابُو جَهْل............؟؟؟ ( الحلقه الثانيه),,,,,

مُساهمة من طرف شرويت الأحد فبراير 06, 2011 9:39 pm

حلوة جدا
تسلم ايدك يادكتور وجزاك اللة خير
ومنتظرين الحلقة القادمة

شرويت
عضو ماسي
عضو ماسي

s m s :
انثى الجوزاء القرد
عدد الرسائل : 934
العمر : 31
الموقع : فى بيتنا
العمل/الترفيه : vet
تاريخ التسجيل : 11/07/2010

الرجوع الى أعلى الصفحة اذهب الى الأسفل

موضوع: يَوْمِيَّات ابْلِيْس بِيَه وَابُو جَهْل............؟؟؟  ( الحلقه  الثانيه),,,,, Empty رد: موضوع: يَوْمِيَّات ابْلِيْس بِيَه وَابُو جَهْل............؟؟؟ ( الحلقه الثانيه),,,,,

مُساهمة من طرف Dr/Gego الأحد فبراير 06, 2011 10:37 pm

تسلم ايدك يا دكتور بجد الحلقة اكتر من رائعة
ومنتظرين باقي الحلقات
Dr/Gego
Dr/Gego
1000 مشاركة
1000 مشاركة

s m s : Don't forget me my baby
انثى السرطان القرد
عدد الرسائل : 1040
العمر : 31
الموقع : بين الاطلال
العمل/الترفيه : بيطري على ما تفرج
تاريخ التسجيل : 02/08/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى