لعبة الصراحة

من طرف unknown الإثنين سبتمبر 13, 2010 11:31 pm

تذكير بمساهمة فاتح الموضوع :

بسم الله الرحمن الرحيم
انا عجبتني لعبة جميله اوي.......................وهي لعبة الصراحة
يعني انا اسأل سؤال للي بعدي وهو يجاوب عليه....................وبعدان يسأل سؤال للبعده
يلا نلعبها بقي
انا هسأل سؤال للبعدي
انت في سنه كام

من طرف **transparent heart** الخميس مارس 10, 2011 9:26 pm

بصراحة جيجو قامت بالواجب اوى بس انا هضيف ان الحد والاتنين يبقوا اجازة علشان الطلبة تزاكر بمخمخة
وطبعا الامتحانات هتبقى تسالى من كتر السهولة
وكل طالب ينجح له موتوسيكل يابانى وعربية المانى وشغلانة فى اكبر ادوية فى الشرق الاوسط و فيلا فى شرم الشيخ

بس

اللى بعدى ناوى يزود حاجة .........اكيد ماحنا شعب بيحلم ويشخر كمان

نفس السؤال

من طرف **no name 2010** الجمعة مارس 11, 2011 10:17 am

انا شايف ان الطلبات بتاعتكو دي كلها مشروعة و زي الفل badly

انا بقي ممكن أذود علي الطلبات دي ما يلي :

1- ان يتم نقل الكلية من مدينة السادات الي مدينة شبين الكوم حيث انها مدينة عالمية علي ارضا مصرية و لما تتمتع به من موقع استراتيجي هائل

2- ان تظل مزرعة الكلية بمدينة السادات . عشان نسافر يوم في الاسبوع و بردو عشان السادات ما توحشناش

3- مافيش حاجة اسمها حد يشيل مواد و يبقي الحد الأدني للتقديرات هو جيد جدااا

4- ان يتم تبسيط المناهج لأقصي حد بحيث لا تذيد المادة الواحدة بأي حال من الأحوال عن 20 صفحة علي ان يكون نصف المنهج للقراءة فقط

5- و أخيرا بقي هخلي الكلية سنة واحده بس Very Happy

لو حد عنده اقتراحات تانية يتفضل برفع يده Foot

من طرف **شرويت** الجمعة مارس 11, 2011 3:20 pm

لا تمام كدة انتم قولتم كل حاجة
تفسر الى بيحصل اليومين دول فى مصر ازاى

من طرف Angel الجمعة مارس 11, 2011 4:17 pm

انا شايفة ان كل واحد دلوقتى مش شايف غير مصلحته او الاغلب يعنى عشان مانظلمش حد
اللى عايزين مرتباتهم تزيد واللى عايزين الحوافز وغيرها وغيرها مطالب فئوية فى كل حتة
والمفروض ده مش واقته خالص المفروض نصبر شوية على ما الاوضاع تتحسن
والمفروض كلنا نشتغل عشان البلد تتحسن وبعدين احنا صبرنا 30 سنة مش قادرين نصبر شوية على مالاوضاع تتحسن
وبلاش كل واحد يفكر فى نفسه وبس

اللى بعدى رايه ايه

من طرف **Dr/Gego** الجمعة مارس 11, 2011 4:33 pm

الله عليكي يا انجل هو ده الكلام الي على حق
طبعا راي نفس رايك

ممكن تضحي بحبك عشان صاحبك

من طرف **habeba mhmd** الجمعة مارس 11, 2011 7:13 pm

حاجه صعبه بجد بس انا مقدرشى اضحى بحد فى سبيل التانى

كل اللى اقدر اعمله انى احاول اقرب بينهم

هل ممكن تكره حد انت كنت بتحبه فى يوم علشان جرحك من غير ما يقصد؟؟؟؟؟؟؟

من طرف **no name 2010** الجمعة مارس 11, 2011 8:29 pm

أكيد لأ طبعا

نفس السؤال

من طرف ( forebidden .love ) الجمعة مارس 11, 2011 8:44 pm

انا اسف ماتزعلش منى Wink

من طرف **وعد العيون** الأحد مارس 13, 2011 6:11 pm

مدام جرحني من غير قصد يبقي مش ممكن اكرهه
لو مخنوق من واحد صاحبك لدرجه انك مش قادر تعاتبه والسبب انه كدب عليك تتصرف ازاي

من طرف **bright eyes** الخميس مارس 17, 2011 8:58 pm

امممممممممممممممممممممممممم

سؤال صعب بس يمكن انسحب شويه واشوف هيتصرف ازاى وع اساسه اقرر..

بس اسمحيلى اعلق ع اسمك ب like

من طرف Angel الخميس مارس 17, 2011 9:29 pm

فين السؤال يابريت

من طرف **Dr/Gego** الجمعة مارس 18, 2011 3:49 pm

اسال انا

كنت موجود في الاعتصام وكنت حاسس ان ربنا هيكرمنا

من طرف lorienteee الجمعة مارس 18, 2011 7:02 pm

akeed

اكتر حاجة نفسك تغيرها في الكلية؟

من طرف **bright eyes** الجمعة مارس 18, 2011 7:07 pm

اسم الكليه

من طرف **transparent heart** السبت مارس 19, 2011 8:50 am

فين السؤال يا برايت ؟!!!!!!!!!!!!

من طرف **Dr/Gego** الأربعاء مارس 23, 2011 7:20 pm

ايه ده هو انا كل مره هسال بدل منك يابرايت

انت حاسس ان دكتور هاني هينشال فعلا ولا كلام بس بيسكتونا بيه

من طرف **RaNdY OrTeN** الخميس مارس 24, 2011 4:03 pm

على علمي انه مش هيتشال

خايف من التيجه ولا عادي زي ناس ؟

من طرف جويريه الجمعة مارس 25, 2011 3:13 pm

عادى زى ناس

لو محتار بين اتنين بيحبوك تختار مين مع العلم بعدم انحياز المشاعى لاى منهما

من طرف Angel الخميس أبريل 14, 2011 8:23 pm

ارفض الاثنين لحد ما الاقى اللى احبه ويحبنى
اللى بعدى ايه رايه

من طرف **وعد العيون** الإثنين أبريل 25, 2011 2:57 pm

انا هختار اكثرهم اخلاقنا
ايه معايرك ف اختيار شريك حياتك

من طرف **Dr/Gego** الإثنين أبريل 25, 2011 6:39 pm

اول حاجة طبعا الاخلاق وطبعا المستوى الفكري والعلمي وميمنعش برده ان يكون شكله حلو

الي بعدي ايه رايه

من طرف malak الجمعة يونيو 24, 2011 9:43 am

اولا يكون متدين ودى اهم حاجة لان اى حاجة كويسة بعد كدة هتترتب على اساس دينة واخلاقة وتربيتة.بعد كدة بقى يكون طيب وحنون ويتحمل المسئولية واكيد يكون بيحبنى I love you

من طرف **no name 2010** الخميس نوفمبر 10, 2011 6:43 pm

فين السؤال ؟؟

من طرف malak الخميس نوفمبر 10, 2011 7:10 pm

مش لاقياة

من طرف **no name 2010** الخميس نوفمبر 10, 2011 8:02 pm

ههههههههههههههههه لا و الله لعبة الصراحة - صفحة 14 46915

طيب أسأل انا

لو عرفت ان واحد صاحبك بيكدب عليك و في نفس الوقت مش عارف تروح تكلمه و تعاتبه عشان ما ينفعش تقوله أنت عرفت منين ان هو بيكدب عليك .. هتعمل ايه ف الموقف ده هتعامله عادي ولا هتغير معاملتك معاه ؟؟

من طرف malak الخميس نوفمبر 10, 2011 8:18 pm

مش هتغير معاملتك ولا حاجة بس انت ممكن تعتب علية كدة براحة فى وسط الكلام وهتتصافوا باذن اللة ومش شرط تقولة عرفت منين قولة مثلا انة مجرد احساس جواك وعايز تتاكد منة السؤال بقى ازاى تفضل مصمم على قرار اخدنة مع انك عارف انك هترجع فية بسهولة بكلمة واحدة بس؟؟؟

من طرف **no name 2010** الخميس نوفمبر 10, 2011 9:12 pm

ممكن الواحد ياخد قرار علي حاجة و ما يرجعش فيه أبدا لو عنده أصرار وعزيمة و شخصية قوية
بس كل قاعدة و لها شواذ يعني لو القرار ده بخصوص حد بتحبه ممكن ترجع و بسهولة عشان الحد ده و ده مش معناه انك ضعيف

السؤال

لو أكتشفت ان الحد اللي بتحبه مش بيتعامل معاك بشخصيته الحقيقية و لابس قناع و أنت عرفت كدا هتسيبه ولا هتكمل معاه ؟؟

من طرف malak الجمعة نوفمبر 11, 2011 11:35 am

لو متاكد ان هو كمان بيحبك بجد يبقى اكيد ف ظروف دفعتة لكدة ممكن يكون غصب عنة ودة تحددة على حسب شخصيتة اذا كان جد ولا واخد الحياة كلها هزار وبس وساعتها تحدد تكمل ولا لا بس بصراحة مهما كانت الظروف لازم الصراحة من البداية السؤال بقى لية المنتدى بقى مهجور كدة؟؟؟

من طرف **no name 2010** الجمعة نوفمبر 11, 2011 12:53 pm

هي جت كدا صدفة يعني لأن كان في ناس كتير بتخش ع طووول زيي أنا و سنيبر و ناس كمان كتير
بس فجأة كدا ماحدش فينا بقي يخش مش عارف ليه فأمجد قالي عايزين نشغل المنتدي تاني قولتله خلاص انا هخش أكتب تاني و أنت كمان تكتب معايا قالي ماشي بس مش عارف هو شكله سابني و خلع Very Happy

السنة دي أحلي ف الكلية ولا اللي فاتت ؟؟

من طرف malak الجمعة نوفمبر 11, 2011 4:20 pm

لا السنة دى مش حلوة خالص ومتعبة اوى اوى اللى فاتت احلى بس بصراحة اكتر اولى احلى واحلى واحلى السؤال مع ولا ضد النقاب؟؟؟

من طرف **no name 2010** الجمعة نوفمبر 11, 2011 4:34 pm

مش مع ولا ضد
الموضوع ده يتوقف ع الواحدة نفسها لو هي فعلا هتلتزم بيه و مش هتقلعه خالص يبقي أوك أكيد دي حاجة ترجعلها
و لو أن مجتمعنا بيرفضه عشان للأسف في ناس كتير بترتكب جرايم باسم الدين
يعني أي واحدة لابسة نقاب بتواجه مشاكل كبيرة و دايما بتبقي نظرة المجتمع ليها ع انها متشددة او متطرفة و أحيانا أرهابية

ممكن تتأثر برأي الناس و تغير رأيك عشان ناس كتير ضد رأيك أنت ؟؟

من طرف malak الجمعة نوفمبر 11, 2011 4:42 pm

مظبوط كلامك ولازم تكون وصلت لدرجة متقدمة دينيا واحنا لسة على قدنا للاسف ربنا يقدم اللى فية الخير ويهدينا جميعا.بالنسبة لسؤالك لو هو قرار مصيرى يبقى لازم تقف وتفكر كويس جدا وتاخد بنصيحة حد اكبر ومحدش هيخاف عليك اكتر من اهلك فعلا لكن لو حاجة عادية مش هتضرك يعنى يبقى مفيش مانع من التجربة

من طرف **no name 2010** الجمعة نوفمبر 11, 2011 4:49 pm

فين السؤال ؟؟

من طرف malak الجمعة نوفمبر 11, 2011 4:56 pm

سورى مين اكتر حد قريب ليك ف الدنيا؟

من طرف **no name 2010** الجمعة نوفمبر 11, 2011 5:02 pm

أكيد بابا و ماما و أصحابي بس كان في حد كمان كان أقرب حد ليا و يعرف عني كل حاجة بس كالعادة ما فيش حاجة بتستمر ع حالها

لو محتار أوي ف حاجة و لازم تاخد قرار مصيري هتعمل أيه ؟؟

من طرف malak الجمعة نوفمبر 11, 2011 5:10 pm

بصراحة خايفة اضرك لانى مش عارفة الموضوع بس كل اللى اقدر انصحك بية انك تعمل صلاة استخارة وان شاء اللة ربنا يوجهك للخير ليك بصراحة اكتر بقى معنديش سؤال

من طرف **no name 2010** الجمعة نوفمبر 11, 2011 5:15 pm

انا مش محتار ف حاجة بس ده مجرد سؤال و انا فعلا بعمل صلاة استخارة اما ابقي محتار ف حاجة

ماشي مش مهم أسأل انا

أيه أكتر حاجة كانت مميزة ف العيد ده عن اللي فات ؟؟

من طرف malak الجمعة نوفمبر 11, 2011 5:38 pm

مش اللى فات هو العيد السنة دى مميز عن كل سنة علشان خطيبى طبعا فاكيد احلى من كل سنة السؤال بتفكر بقلبك امتر ولا بعقلك؟

من طرف **no name 2010** الجمعة نوفمبر 11, 2011 5:44 pm

أن شاء الله كل عيد يبقي أحسن من اللي قبله
و ربنا يخليكو لبعض و مبرووووك ع الخطوبة مع أنها جت متأخرة شوية بقي

بفكر بعقلي اكتر بس ده ما يمنعش ان القلب بيتحكم ف الواحد ساعات و بيبقي تأثيره أقوي من العقل

الصداقة بتمثلك أيه ؟؟

من طرف malak الجمعة نوفمبر 11, 2011 5:57 pm

يااااااااااارب.اللة يبارك فيك متشكرة اوى وعقبالك كدة ان شاء اللة.الصداقة اجمل حاجة ف الدنيا بعد الحب طبعا مفيش احساس يفوقة بس مينفعش الانسان يعيش من غير صديق بجد يحبة ويخلف علية حتى لو هياخد الحبيب صديق كمان. بردة معنديش سؤال سورى

من طرف **no name 2010** الجمعة نوفمبر 11, 2011 10:58 pm

أوك أسأل أنا

بتعرف تواجه نفسك بأخطائك ؟؟

من طرف **bright eyes** الجمعة نوفمبر 18, 2011 8:30 pm

طب اجاوب انا عادى ولا ؟؟!!

وبمان ان الرد اتاخر هضطر انى ارد ههههههههههههه

للأسف انا بواجه نفسى بأخطائى وبمنتهى القسوه ..

بالنسبه للسؤال:

بجد انا بسأل نفسى كتير ايه سبب الحزن والكآبه المنتشره اليومين دول ؟؟!!

من طرف **no name 2010** السبت نوفمبر 19, 2011 2:07 am

يا دكتوره اللعبة دي ع المنتدي لكل الناس
يعني العضو اللي يخش بيجاوب عادي من غير ما يستأذن الأول
لعبة الصراحة - صفحة 14 323574

بالنسبه بقي للأجابة علي سؤالك

بصراحة هو سؤال صعب انا كمان مش عارف اجابته بس يمكن الواحد هو اللي بيخلي نفسه حزين دايما و مش بيحاول يلاقي حاجة جديدة يعملها تخليه مبسوط دايما .. انا شايف ان لو الواحد بقي راضي عن نفسه و ربنا راضي عنه و مش بيحاول يروح للحزن بنفسه هيبقي أسعد واحد ف الدنيا و مش ممكن حاجة تخليه مخنوق أو متضايق

أسأل انا بقي

بيفرق معاك كلام الناس ؟؟

من طرف **bright eyes** السبت نوفمبر 19, 2011 10:23 pm

هههههههههههههههههههههههههههه

طب ياراجل مش تقول كده من بدرى خلاص انا بعد كده هتدخل بقلب جامد ههههههههههههه

بالنسبه للاجابه :

امممممممم بص هوا مش بيفرق معايا بس بيدايقنى لو مش صحيح طبعا

بس انا مقتنعه انى طول مانا ع حق وبتقى ربنا ف كل حاجه بعملها وانى راضيه عن نفسى

وتصرفاتى أكيد ماحدش هيقول عنى كلام مش كويس وفرضا ان فعلا ف ناس حتة اللوك للوك دى

بتجرى ف دمهم ف اللى عنده كلمه يقولها مايهمنيش ..

من طرف **no name 2010** الأحد نوفمبر 20, 2011 5:54 pm

حلوة الأجابة بس فين السؤال بقي Very Happy

من طرف **bright eyes** الخميس نوفمبر 24, 2011 7:42 pm

بصراحه مش لاقيه سؤال اسال اتفضل

من طرف **no name 2010** الجمعة نوفمبر 25, 2011 4:22 pm

ماشي أسأل انا كالعادة

مع ولا ضد بقاء المجلس العسكري ؟؟

من طرف malak الجمعة نوفمبر 25, 2011 5:35 pm

مع بقائة طبعا لو مشى البلد هتخرب ف الحال معنديش سؤال

من طرف **bright eyes** الجمعة نوفمبر 25, 2011 5:52 pm

بقاءه فين ؟؟ ف الحكم ؟؟ ولا ع الحدود؟؟

من طرف **no name 2010** السبت نوفمبر 26, 2011 12:48 am

ف الحكم طبعا
في حاجة اسمها بقاء المجلس علي الحدود
ما طبيعي جدا ان الجيش مسؤل عن تأمين البلد ع الحدود و داخليا كمان ف الفترة دي
انا اقصد رحيل المجلس عن أداره شئون البلد و ان تيجي حكومة أنقاذ وطني هي اللي تحكم ف الفترة دي لحد الانتخابات و المجلس يرجع لمكانه الطبيعي تاني

من طرف **bright eyes** الخميس ديسمبر 15, 2011 6:50 pm

اها ااا قولتييييييييييييييييييييييييييييييييييييييييييييييييييييلى