حالات قابلتني وعالجتها(الكل يستفيد) /انتظرونا

هبدا معاكم ان شاء الله في الحالات اللي قابلتها في الفيلد واللي ممكن هتقابلكم انتم كمان
هنبدأ الاول بالحيوانات وبعدين نبقي ندخل في الطيور ان شاء الله

بس الاول عايز رايكم
هل عايزين دش ولا الحاجات المهمه واللي هنهشوفها في الفيلد[ندعوك للتسجيل في المنتدى أو التعريف بنفسك لمعاينة هذا الرابط]
مستني رايكم

كل الحالات يا ريس

ولو تقدر تصورها يبقي بجد انجاز

يالا يا تربل ربنا معاك واحنا هنسعدك ان شاء الله

ماشي يارهف ادعيلي

دا يا ععم شكله لسه بيدور علي حالات

ربنا معااك يا تربل

منتظرينك

ان شاء الله هنبدا بالحالات اللي ماشيه اليومين دول
1/التهاب الجلد العقدي0(lumby skin disease)
وده مرض بيصيب الابقار في قارة افريقيا فقط واعراضه هي
ظهور حبوب (تشبيهي) علي الجلد وبتتراوح من 1سم الي 5سم واما انها بتسقط ويتكون مكانها سكار او انها تفضل في الحيوان علي طول واحيانا الحبوب دي بتفتح وتنزف وكمان بتغير ريحة الحيوان وساعتها مبيكونش فيه امل وزي اللي عالجلد بيكون موجود في الرئه علشان كده بيكون ليه اعراض تنفسيه

حمي او ارتفاع في درجة الحراره
فقدان الشهيه
*العلاج :-
طبعا احنا عارفين ان ده مرض فيروسي يعني ملوش علاج مع ان بعض الاقاويل بتقول ان الاوكسي بيأثر علي الفيروسات الكبيره زي ده
وعلشان هو فيروسي احنا هنعالج symptomatic
1/اعالج الحراره بخافض حراره زي الانالجين 1مل/25 كجم وزن حي او ديكلوفين وده يستحسن لانه كمان مضاد للالتهابات
2/اديله anti biotic وده علشان ال2dry infection لان البكتيريا بتهاجم ال lesion دي وكمان بيكون الحيوان مناعته ضعيفه ويفضل اوكسي تترا سيكلين طويل المفعول20% 1مل/10كجم وزن حي من الحيوان يعني لو الحيوان 100 كيلو اديله 10 مل
3/احقن رافع مناعه زي ليفا ميزول+أديفيت سي


-فيه مركب في السوق اسمه هكسازول ده بيكون 30%اوكسي + فينادين وده طويل المفعول لمدة 5 ايام
-ملحوظه :- ممنوع استخدام مضادات الالتهابات الاسترويديه زي الديكساميثازون مع الحالات الفيروسيه لانه بيحبط المناعه ودي اللي احنا محتاجين ان احنا نرفعها
*********ملحوظه*******
المرض ده بيتنقل بالحشرات علشان كده لازم ارش المكان باي مبيد حشري

2/اف ام دي ( الحمه القلاعيه) foot&mouth disease
وده مرض فيروسي بيصيب الحيوانات مشقوقة الظلف او المشقوقة الحافر زي الابقار والجاموس والماعز والاغنام والخنازيروبيكون ليه سبع انواع والتحصين ضد واحد مبيديش مناعه ضد التاني
الشكوي (owner complain):-
الراجل بييجي يقولك الحيوان قاطع الاكل ومش قادر يمشي او بالبلدي متكتف وبيريل
مره واحد جالي وقالي العجله يادكتور مبقتش تاكل ومغرقه المدود بالرياله بتاعتها رحت فتحت بقها لقيت زي فقاقيع وتقرحات علي اللسه والشفه بتاعتها وبتكون واضحه جدا
وأهم حاجه واللي هتساعدك في شغلك وتخليك توصل للعلاج الصح هي درجة الحراره لأي حيوان تروحله ودي هشرحها بعدين لوحدها
-الاعراض:-
ارتفاع درجة الحراره
رياله لامعه تمتد من الفم الي الارض
عرج او يعني متكتف
وجود التقرحات في الفم+التجويف في الحافر(inter digital space)
+الضرع (udder)
*العلاج:-
1/anti biotic زي السلفا ديميدين33و1/3ودي ممكن تحقن 100 مل للحيوان منها في الوريد(I.V)
2/anti inflammatory+anti pyretic زي الديكلوفينات 25مل /كجم عضل فقط
3/رافع مناعه زي اليفاميزول1مل/60 كجم كرافع مناعه
4/ممكن احقن anti histaminic علشان العرج وممكن لأ
5/اعالج سطحي بالجنتيانه برشها في الفم +الضرع+ الحافر او
*وصفه*فيه حاجه عند العطار اسمها بياض جمل أو اسمه أطران طبي ده بنجيبه وندهن بيه الحافرعلشان يثبت الحافر علشان في بعض الحالات الحافر بيقع
ممكن اجيب كبريتات نحاس وادوبها في اناء بلاستيك بتركيز 5% عالحافر او اجيب خل
***ملحوظه********
المرض ده بيتنقل بالهواء + ان حيوانات تشرب من حوض واحد +ان يكونوا بيكلو مع بعض فينتقل عن طريق اللعاب علشان كده اقول لصاحب الحاله اعزل الحيوان ده لوحده

3/ خمي ال3 ايام (bovine ephemoral fever)
وده مرض فيروسي بيصيب الابقار بعد عمر 6 شهوروالفيرس ده من عائلة ال rabeis علشان كده بنستعمل تحصين السعار علشان نحصن ضد حمي ال3 ايام ومتستغربوش
**الشكوي**
الحاله منفخه ومش قادره تمشي وبيكون نهجان واضح بسبب الايمفزيمااللي في الرئه
*الاعرااااااض:-
1/ارتفاع درجة الحراره فوق ال40
2/نهجان وصعوبه في التنفس
3/اسهال +الكرش واقف لما بتسمعه بالسماعه وبتكون حركته الطبيعيه من3:5 مرات في الدقيقتين
ولما تسمع صوت الرئه بالسماعه تسمع harsh sound بالظبط هشششششششششش او زي ميكون منشار بيقطع
4/ صعوبه في المشي لانه بيسبب ضمور في العضل والتهابات في الاوتار خصوصا النص الوراني
5/بتلاقي الحاله منفخه علشان بيكون فيه هواء تحت الجلد وده ممكن تشخصه بالpercussion او يغني تحط ايد عالجسم وتخبط بايدك التانيه عليها تسمع resonant sound
****ملحوظه** لو جتلك حاله بتتنفس من الفم ومطلعه لسانها بره متعالجهاش لان دي بتكون نهاية الحاله في المرض ده
***العلاج:-
أهم حاجه ان صاحب الحاله يحط كمادات مياه بارده علي رأس الحاله فقط ده اهم حاجه
وده بصراحه كافي ان الحاله تخف بس احنا عايزين نشتغل فبنعالج
1/ anti histaminic زي الانتي ستامين وده بيكون 10مل/100كجم وزن من الحيوان وده اهم حاجه في العلاج
وفيه كمان الهستاكيور
2/ خافض حراره ومضاد للالتهابات ويفضل الفينادين 1مل /40 كجم
3/ مضاد حيوي بيشتغل عالجهاز التنفسي زي الانروفلوكساسين وموجود من في السوق الفلوكساد 1-2 مل/40 كجم
*****ملحوظه*******
الفيرس بيتنقل عن طريق القراد والحشرات الماصه للدماء علشان كده لازم نرش المكان والحيوان بماده زي البيوتوكس وده بنحل السنتي علي 2لتر ونرش الحيوان خصوصا تحت الديل وعالرقبه وكمان نرش المكان

[/b]هندخل بقه ان شا ء الله علي طفيليات الدم
واللي منتعشه اليومين دووووووووووووول

كان نفسي اكمل بس للاسف ورايا مشوار

[b]
وعلشان طفيليات الدم مهمه جدا وخصوصا في شهر 7و8 و9
انا كاتبها باسلوب سهل وملخص وبسيط جدا في العياده البيطريه في موضوع اسال ودكتورك البيطري يجيب

]b][/b6/هندخل بقه علي مرض مهم اسمه التهاب الجلد الاوديمي (ESD) (مرض الفيل)
***السبب**
coryne bacteria وبعض الكتب بتقول ان الفلاريا كمان بتسببه (طفيل)
***الشكوي والاعراض **** تلاقي الحاله جايالك وصاحبها بيشتكيلك ان رجلها كلها ورمت مر واحده كده يادكتور وانت هتشوف الورم بطول الرجل وبيكون واضح جدا وممكن تلاقس الرجل فيها قناه تحتوي علي صديد وانسجه ميته لازم تفتحها بالمشرط وتنظفها وتطهرها
**واحيانا بتجد المرض ده في اي منطقه من الجلد وبتلاقيه عامل شكل المصفه (يعني قرح حمره كتيره جنب بعضها وبيكون المكان ده وارم جدا) وده بتكون سببه الفلاريا
***************العلاج****************

/////////بيكون 4 أنتي ////////////////////////////

1/ anti histaminic زي الهستاكيور تحقن منه 15 مل للحيوان او الانتي ستامين 10مل /100 كجم وزن
2/anti flaria وده زي الايفر مكتين 1مل/50كجم وزن

3/anti inflammatory وده زي الديكلوفينيل 1مل/ 25 كجم

4/anti biotic . زي الفيتروسين الفيال / 100كيلو بتحله في 12.5 مل ماء

ملحوظه:- ممكن تحقن lasix كمدر للماء لو انت شايف ان الاوديما كبيره جدا
وده هيسحب الماء اللي في الجسم وممكن يساعد في العلاج
+++++++++مننساش اي حاله لازم نقيسلها درجة الحراره الاول+++++++






]6/

الكود:

[u]

** [color=darkred] TETANUS[/color]**
تشنجات مع صلابه في العضلاتe]]والحاله دي كانت في معزه عمرها اسبوعين وأكيد العدوي جات من الحبل السري بعد الولاده[/b]
*****السبب*********
----color=brown]brown]بكتيريا لا هوائيه اسمها كولستريديوم تيتيناي بتفضل في مكان الجرح وتفرز السموم بتاعتها اللي بتاثر علي ال synapse و تاثر علي افراز ال choline estrase وده بيتسبب في زيادة الاستيل كولين واللي يخلي العضلات تنقبض الي ان تتعب ويحدث spastic paralysis
**********الاعراض********
تشنجات والاعراض بدأت من عند الذيل وهي ان الذيل صلب &ERRECTED وبدات الاعراض تمشي للامام شويه شويه لغاية مقفلت الفم وعملت لنا locked jaw وطبعا الاطراف مننسهاش بنلاقي في صعوبه ان احنا نتنيها
**********العلااااااااااااج***************
1/لو الحيوان كبير زي الايقار والخيول نحقن 60 امبوله من anti tetanic serum
20عضل +20 وريد+20 تحت الجلد
بس طبعا الحاله اللي معانا دي عمر اسبوعين حقنتها امبولين بس عضل

2/(anti biotic (over dose وليكن البنسيللين لانها حساسه جدا ليه
يعني الفيال لو ل100 كيلو اديه ل70 مثلا
3/اطهر الجرح بماء الاوكسجين علشان ده هيخلي الوسط هوائي وده اللي بيخنق البكتيريا دي لانها لاهوائيه وكمان احقن منه حول الجرح حاجات بسيطه

4/ممكن تحقن الملح الانجليزي بتركيز 10% وريد ببطء شديد علي حسب وزن الحيوان يعني لو بقره كبيره تاخد من 200 الي 300 مل
أو تحقن احسن xylazine 2% وده موجود في السوق وبيكون السنتي ل400 كجم
وده علشان يعمل ارتخاء للعضلات المتعبه وده بيساعدها علي الشفاء ان شاء الله***************ملحوظه*****************
ممكن تعلق محاليل علشان تعمل dilution of toxin لانه هيساعد في زيادة الاخراج عن طريق الكلي

تسلم على حالاتك

شكرا يافالكون[b]

ماشية معاك حلاوة يا عم


بجد تسلم ايديك يا ريس

الي الامام دائما

ربنا معاك يا تتح

صدقني انا بمل
من اني اترجم كده وانا بالنسبالي الانجليش اسهل
بس انا كنت عايز انقل اللي بتشوفه في الفيلد بس بكلام سهل لان معظمنا بنحفظ الانجليش اللي بناخده في الكليه واحيان كتيره مش بنكون فهمينه

كده فعلا اسهل
لانك بتتعامل في الفيلد بره باللغة دي
مش انجليش

وغير كده لو انجليش هتلاقي حاجات كتير مش مفهومة


كمل يا تربل علي بركة الله